अभिनयमा 'कोल्ड' अदितिको दुबइमा देखिएको 'हट' अवतार

काठमाडौँ : अभिनय त त्यस्तै हो, बेलाबखत इन्ट्राग्राममा राख्ने बोल्ड तस्बिरले भने चर्चामा आइरहन्छिन् अभिनेत्री अदिति बुढाथोकी। अहिले उनी चर्चामा छिन्। कारण दुबइमा खिचिएको हटपोजका तस्बिर।

भारतको मुम्बइलाई नै कर्मथलो बनाएको लामै भयो उनले। केही म्युजिक भिडियो बाहेक अन्यमा उनको अभिनय देखिएको छैन। मोडलिङमा भने उनी व्यस्त नै देखिन्छिन्।

नेपालमा भने उनले दुई वटा फिल्ममा अभिनय गरिसकिन्। त्यसमध्ये एउटा फिल्म त निर्माण पनि गरिन्। फिल्म 'कृ' मा डेब्यु गर्दा उनको निकै चर्चा थियो नेपाली कला नगरीमा। मुम्बइमा बसेर मोडलिङ गर्ने भनेपछि हल्का हाइप बढी नै हाल्छ। उनको पनि हाइप बढेको थियो। नेपालका अभिनेत्रीहरू छायामै पर्छन् कि क्या हो भन्नेसम्मकै चर्चा थियो उनको।

तर 'कृ' मा अनमोलको जोडी बनेकी उनको अभिनय क्षमता चर्चा जत्तिको दमदार हुन सकेन। फिल्म पनि त्यस्तै बन्यो। अनि उनी मुम्बई नै फर्किइन्।

एकाएक उनी अर्को नेपाली फिल्म' बाबरी' मा अभिनय मात्रै हैन निर्माणमै जोडिइन्। यसको हालत त 'कृ' को भन्दा पनि खराब भयो। फिल्म फ्लप भयो। उनी सङ्घर्ष गर्न मुम्बइतिरै लागिन्। बाबरी नचले पनि बाबरी-२ बनाउने तयारीमा छिन् भन्ने खबर आएको थियो। तर त्यसको सुरसार देखिएको छैन। उनी पनि नेपालमा चर्चाहिन बन्दै गएकी थिइन्।

दुबइको हट अवतारले अदितिमाथि नेपाली मिडियाको नजर पर्यो अहिले। उनका तस्बिर अदितिको हट अवतारका शीर्षकमा प्रकाशित भइरहेका छन्। कतै यो बाबरी-२ घोषणाको माहौल बनाउने उपाय पो हो कि।

पुष ११, २०८० बुधबार २३:०४:५४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।