२१औं वार्षिकोत्सवमा सिद्धार्थ बैंकको रक्तदान, २९६ जना सहभागी

काठमाडौं : सिद्धार्थ बैंकले आफ्नो स्थापनाको २१औँ वर्ष पूरा गरेको छ।

सञ्चालनको २१ वर्ष पूरा भएको अवसरमा बैंकले नक्सालस्थित आफ्नो प्रधान कार्यालयमा एक कार्यक्रम गर्दै एक ‘कफी टेबल बुक’ सार्वजनिक गरेको छ। जसमा बैंकको २१ वर्षको यात्रालाई समेटिएको छ।

यसै कार्यक्रममा बैंकले आफ्ना पूर्व सञ्चालक समितिका सदस्यहरू एवं पूर्व प्रमुख कार्यकारी अधिकृतहरूलाई सम्मान गर्नुका साथसाथै बैंकमा १५ वर्षभन्दा बढी समय कार्यरत कर्मचारीलाई समेत अभिनन्दन गरेको छ।

त्यसैगरी बैंकले ४५० भन्दा बढी यूएनओ मर्चेन्टहरूमा ४० प्रतिशतसम्म छुट प्राप्त गर्न सक्ने उच्च गुणस्तरीय प्रिमियम सेगमेन्टको सिद्धार्थ प्लाटिनम डेबिड कार्ड पनि सार्वजनिक गरेको छ।

डिजिटल बैंकिङ्गलाई प्रोत्साहन गर्न ‘फ्रि फोर’ र ‘लग वीन’ योजना पनि सार्वजनिक गरेको बैंकले काठमाडौं, नारायणघाट, नेपालगञ्ज, कैलाली, सुर्खेत र जनकपुरमा गरेको रक्तदान कार्यक्रममा २९६ जना सहभागी भएका थिए।

पुष ११, २०८० बुधबार ०७:०६:३७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।