मेस्सी र राेनाल्डाे फेब्रुअरीमा एउटै मैदानमा

काठमाण्डाैं : विश्व फुटबलका दुई शीर्ष स्टार लियोनल मेस्सी र क्रिस्टियानो रोनाल्डो फेरि एक पटक आमनेसामने हुने भएका छन्।

अमेरिकी मेजर लिग सकर क्लब इन्टर मियामीले प्रि–सिजन साउदी अरेबिया भ्रमणको पुष्टि गरेसँगै दुई हस्ती मेस्सी र रोनाल्डो आमनेसामने हुने पक्का भएको हो।

मेस्सी आबद्ध क्लब इन्टर मियामी र रोनाल्डो आबद्ध अल नासरले रियाद सिजन कपमा प्रतिस्पर्धा गर्ने भएका छन्। मियामीले आउँदो जनवरी २९ मा साउदी प्रो लिगको शीर्षस्थानमा रहेको अल हिलालसँग खेल्नेछ।

त्यसपछि मियामीले फेब्रुअरी १ मा रोनाल्डोको कप्तानीमा रहेको अल नासरसँग खेल्नेछ। आफ्नो करिअरमा मेस्सी र रोनाल्डो ३५ पटक आमने–सामने भएका छन्। जसमा मेस्सी आबद्ध टोलीले १६ पटक र रोनाल्डोको टोलीले १० पटक जितेका छन्। नाै वटा खेल बराबरी भएको छ।

मंसिर २६, २०८० मंगलबार १७:३४:०१ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।