पीएसएलको ड्राफ्टमा १० नेपाली क्रिकेट खेलाडी छानिए, आईपीएलको अक्सनमा परेनन्
काठमाडौं : पाकिस्तान सुपर लिग २०२४ को ड्राफ्टमा नेपाली क्रिकेट टोलीका १० खेलाडी परेका छन्।
सन्दीप लामिछाने, गुलशन झा, आरिफ शेख, अर्जुन साउद, देव खनाल, दीपेन्द्रसिंह ऐरी, कुशल भुर्तेल, कुशल मल्ल र सोमपाल कामी ड्राफ्टमा परेका हुन्।
लामिछाने प्लेटिनममा परेका छन्। गुलशन झा गोल्ड क्याटेगरीमा र अन्य ८ खेलाडी सिल्भर क्याटेगरीमा परेका हुन्।
प्लेटिनममा बिक्ने खेलाडीले १ लाख ४८ हजार अमेरिकी डलर पाउनेछन् भने गोल्ड क्याटेगरीमा बिक्ने खेलाडीले ३७ हजार ४ सय ३५ डलर पाउनेछन्। सिल्भर क्याटेगरीमा बिक्ने खेलाडीले १८ हजार अमेरिकी डलर पाउनेछन्।
नेपाली खेलाडीहरू इन्डियन प्रिमियर लिगको अक्सनमा भने परेनन्। यस अगाडि सन्दीप पर्दै आएका थिए। उनी अहिले नाबालिग बलात्कारका अभियुक्त हुन्। उनीमाथि अदालतमा मुद्दा चलिरहेको छ।
मंसिर २५, २०८० सोमबार २१:४९:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
