रास्वपा संसदीय दलको बैठक बस्दै
काठमाडौं : राष्ट्रिय स्वतन्त्र पार्टी (रास्वपा)ले सोमबार अपराह्न संसदीय दलको बैठक बोलाएको छ।
पार्टी कार्यालय च:मतिमा बोलाइएको बैठक अपराह्न ४ बजे बस्ने सचेतक निशा डाँगीले जानकारी दिइन्।
उनका अनुसार आजको बैठकमा संसदीय दलको विधान, संसदको आगामी अधिवेशनको सम्बन्ध र विविध प्रस्तावमाथि छलफल हुने छ। कात्तिक १६ गते संसदको बर्खे अधिवेशन अन्त्य भएको थियो।
हिउँदे अधिवेशन सुरू गर्ने समय भएकाले र संक्रमणकालीन न्याय, विद्यालय शिक्षालगायत विधेयकमाथि महत्त्वपूर्ण छलफल आवश्यक भएकाले बैठक डाकिएको रास्वपाले जानकारी दिएको छ।
मंसिर २५, २०८० सोमबार १०:५०:५६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
