टी-२० वरीयतामा कप्तान रोहित पौडेल दुई स्थान तल झरे
काठमाडौं : टी-२० विश्व वरीयतामा नेपालका कप्तान रोहित पौडेल दुई स्थान तल झरेका छन्।
अन्तर्राष्ट्रिय क्रिकेट परिषद् (आईसीसी)ले जारी गरेको पछिल्लो वरीयतामा उनी दुई स्थान तल झरेका हुन्।
यसअघि टी-२० ब्याट्सम्यानको ८५औं स्थानमा रहेका पौडेल अहिले ८७औं स्थानमा पुगेका हुन्।
यसका साथै अलराउन्डर दीपेन्द्रसिंह ऐरीले भने ब्याट्सम्यानको वरीयतामा आफ्नो स्थान यथावत् राखेका छन्। उनी ९६औं स्थानमा छन्।
विश्व वरीयतामा भारतका सूर्यकुमार यादव पहिलो स्थानमा छन् भने दोस्रो स्थानमा पाकिस्तानका मोहम्मद रिजवान छन्।
बलिङतर्फ भारतका रवि विश्नोइ वरीयताको शीर्ष स्थानमा उक्लिएका छन्।
मंसिर २१, २०८० बिहीबार ०८:१८:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
