नवराज विक घटनामा २४ जनालाई जन्मकैद, प्रेमीका र आमा छुवाछुतमा दोषी
![नवराज विक घटनामा २४ जनालाई जन्मकैद, प्रेमीका र आमा छुवाछुतमा दोषी](https://ukeraa.prixacdn.net/media/albums/rukum_mass_murder_KK33FJYBWF.jpg )
काठमाडौँ : नवराज विक हत्या घटनामा २४* जनालाई जन्मकैदको सजाय भएको छ। आठ जनाले सफाइ पाएका छन्।
घटनामा संलग्न विककी प्रेमीका र उनकी आमा जातीय छुवाछुतमा दोषी ठहर भएर दुई वर्ष कैद सजाय पाएका छन्। लखेटेर बगरमा पुर्याई हत्या गरेको अभियुक्तमध्येका २४ जनाले भने जन्मकैदको सजाय पाएका छन्।
जाजरकोटको भेरी नगरपालिका– ८ रानागाउँमा प्रेमीका लिन जाँदा गाउँलेले लखेट्दा नवराज विकसहित ६ जनाको मृत्यु भएको थियो। अनुसन्धानमा उनको हत्या भएको खुलेपछि प्रहरीले अनुसन्धान अगाडि बढाएको थियो। मंगलबार रुकुम जिल्ला अदालतले नवराज घटनामा फैसला सुनाएको हो।
*प्रारम्भमा २३ जना भनिएकोमा पछि सूचना अधिकारीबाट २४ जनालाई जन्मकैद भएको पुष्टी भएकाले सच्याएर २४ बनाइएको छ।
मंसिर १९, २०८० मंगलबार १८:४७:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।