भारत र अष्ट्रेलियाबीचको तेस्रो टी२० आज, उपाधि जोगाउन जित्नैपर्ने दवावमा अष्ट्रेलिया
५२ हप्ता अघि
काठमाडौं : भारत र अष्ट्रेलियाबीच पाँच खेलको टी२० आई सिरिजमा आज तेस्रो खेल हुँदैछ।
खेल नेपाली समयअनुसार साँझ सवा सात बजे भारतको गुवाहाटीमा हुनेछ।
पाँच खेलको सिरिजमा भारत २-० ले अगाडि छ। आजको खेल जिते भारतले सिरिज जित्नेछ र बाँकी दुई खेल अष्ट्रेलियाका लागि प्रतिष्ठाको लडाइँ मात्र हुनेछ।
सिरिजको उपाधिलाई अन्तिमसम्म जोगाउन अष्ट्रेलियाले आजको र अर्को खेल पनि जित्नुपर्ने हुन्छ।
पहिलो खेलमा अष्ट्रेलिया भारतसँग २ विकेटले र दोस्रो खेलमा ४४ रनले स्तब्ध बनेको थियो।
मंसिर १२, २०८० मंगलबार ०८:१६:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
