नेपाल सुपर लिगको दोस्रो संस्करण आजबाट सुरू, उद्घाटन समारोहमा सुशान्त केसीले प्रस्तुति दिने
काठमाडौं : नेपाल सुपर लिग (एनएसएल)को दोस्रो संस्करण आजदेखि दशरथ रंगशालामा सुरू हुँदैछ।
प्रतियोगिताको आज दिउँसो पाँच बजे भव्य उद्घाटन हुनेछ। उद्घाटन समारोहमा गायक सुशान्त केसीले प्रस्तुति दिनेछन्।
त्यसपछि साँझ छ बजेबाट सुरू हुने उद्घाटन खेलमा साविक विजेता काठमाडौं रेजर्स र नवप्रवेशी स्पोर्टिङ इलाम एफसी भिड्नेछ।
गत संस्करणमा छ टोलील मात्र खेलेको प्रतियोगिता यसपटक नौ टिमले खेल्ने भएसँगै लिगमा ४० खेल हुने भएका छन्।
उपाधि विजेताले प्राप्त गर्ने रकम अहिलेसम्म तय भएको छैन।
एनएसएलले यसपटक आइएमइ पेसँग सहकार्य गर्दै टिकट अनलाइन बिक्री सुरु गरिसकेको छ।
रंगशालाको सामान्यतर्फ २ सय र भीआइपी तर्फ ५ सय रुपैयाँ टिकट दर तोकिएको छ।
मंसिर ८, २०८० शुक्रबार ०८:१६:१० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
