अभिनेत्री मलिका महतलाई केन्द्रमा राखेर सतीदेवी टिमले ल्यायो फिल्मको फस्टलुक
काठमाडौँ : अभिनेत्री मलिका महतलाई केन्द्रमा राखेर निर्माण टिमले फिल्म ‘सतीदेवी’को फस्ट लुक सार्वजनिक गरेको छ।
लक्ष्मण सुवेदीको लेखन र निर्देशनमा बनेको फिल्मको फस्ट लुकमा मलिका जुत्ताको माला र कालोमोसोसहित कतै भाग्दै गरेको देखिन्छ।
फिल्ममा महतसँगै हर्षिका वली, मञ्जिला बानियाँ, सन्दीप बाबु लोहनी, रमेश बुढाथोकी, कुलदीप अधिकारी, भोला सापकोटा, सृजना अधिकारी, सुजिता सिवाकोटी, सन्देश लिम्बु, मनीषा सापकोटा, जयन्त रेग्मी, विमल श्रेष्ठ, देव महर्जन लगायतका कलाकारहरू रहेका छन्।
निर्देशक सुवेदी रंग पत्रकारितामा परिचित थिए। उनी रंग पत्रकारिता छाडेर फिल्म निर्देशनमा सक्रिय भएका थिए। उनले यस अगाडि निर्देशन गरेको फिल्मले सफलता भने पाउन सकेको थिएन।
मंसिर ७, २०८० बिहीबार १७:३८:५५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
