विश्वकप क्रिकेट : फाइनलमा भारतसँगको भेट पक्का गर्न आज अस्ट्रेलिया र दक्षिण अफ्रिका भिड्दै
एजेन्सी : भारतमा जारी आईसीसी विश्वकप २०२३ को दोस्रो सेमिफाइनल खेलमा आज अस्ट्रेलिया र दक्षिण अफ्रिका भिड्दैछन्।
खेल दिउँसो २:१५ मा इडेन गार्डेन कोलकातामा शुरू हुनेछ।
पाँच पटकको विश्वकप च्याम्पियन अस्ट्रेलियाले सुरुवाती दुई खेलमा हारपछि लगातार ७ खेल जित्दै सेमिफाइनलमा स्थान बनाएको हो।
उता दक्षिण अफ्रिकाले शानदार प्रदर्शनका साथ दोस्रो स्थानमा रहँदै सेमिफाइनलमा स्थान पक्का गरेको थियो।
दक्षिण अफ्रिका पहिलो पटक विश्वकपको फाइनल खेल्ने सोचमा छ। यसअघि पटक-पटक सेमिफाइनल पुगेको उसले फाइनलमा स्थान बनाउन सकेको थिएन।
यसअघि बुधबार भएको पहिलो सेमिफाइनलमा न्युजिल्यान्डलाई ७० रनले पराजित गर्दै आयोजक भारतले फाइनलमा स्थान पक्का गरेको छ।
भारतको जितमा विराट कोहली र श्रेयर अय्यरको शतक तथा मोहम्मद सामीले सात विकेट लिएका थिए।
कात्तिक ३०, २०८० बिहीबार ०९:२६:०३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
