विश्वकपमा समूह चरणको अन्तिम खेलमा आज नेदरल्यान्ड्सले भारतको सामना गर्दै
काठमाडौं : भारतमा जारी आईसीसी एक दिवसीय विश्वकप क्रिकेटअन्तर्गत समूह चरणको अन्तिम खेलमा आज नेदरल्याण्ड्सले घरेलु टोलीको सामना गर्दैछ।
जारी प्रतियोगितामा आठ खेलमा जित निकालेर अपराजित रहेको भारत अंकतालिकाको शीर्ष स्थानमा छ।
समान ८ खेल खेलेको नेदरल्याण्ड्स दुई खेलमा जित निकाल्दै अन्तिम स्थानमा छ। यी दुई टोलीबीचको खेल दिउँसो सवा २ बजे बैंगलुरुमा सुरु हुनेछ।
हेड टु हेडमा यी दुई टोलीबीच भएका दुई खेलमा दुवै खेल भारतले जितकाे छ।
प्रतियोगितामा भारतसहित दक्षिण अफ्रिका, अस्ट्रेलिया र न्यूजिल्याण्डले सेमिफाइनलमा स्थान बनाइसकेका छन्।
सेमिफाइनलको पहिलो खेलमा भारत र न्यूजिल्याण्ड भिड्दा बिहीबार अष्ट्रेलिया र दक्षिण अफ्रिका आमने सामने हुनेछन्। फाइनल खेल आगामी आइतबार हुनेछ।
कात्तिक २६, २०८० आइतबार ०९:२४:४० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
