विश्वकप क्रिकेटको सेमिफाइनल समीकरण पुरा, सेमिफाइनलको पहिलो खेलमा भारत र न्यूजील्याण्ड भिड्ने
काठमाडौं : भारतमा जारी आइसीसी एकदिवसीय विश्वकप क्रिकेटको सेमिफाइनल समीकरण पुरा भएको छ।
आज भइरहेको इंग्ल्याण्ड र पाकिस्तानको खेलको अवस्थाले न्युजिल्याण्डको सेमिफाइनल यात्रा पक्का गरेको छ।
इंग्ल्याण्डलाई पाकिस्तानले हराएमा पनि रन रेटमा न्युजिल्याण्ड नै अघि हुने पक्का भएसँगै उ सेमिफाइनलमा पुगेको हो।
विश्वकपको सेमिफाइनलमा भारत, दक्षिण अफ्रीका, अस्ट्रेलिया र न्यूजील्याण्ड भिड्नेछन्।
सेमिफाइनलको पहिलो खेल शिर्ष स्थानमा रहेको भारत र चौथो स्थानमा रहेको न्यूजील्याण्डबीच हुनेछ। दुवैबीचको सेमिफाइनल खेल नोभेम्बर १५ मा मुम्बईस्थित वान्खडे स्टेडियममा हुने छ।
त्यस्तै दोस्रो सेमिफाइनल खेल दक्षिण अफ्रिका र अस्ट्रेलियाबीच कोलकोतास्थित इडेन गार्डेन स्टेडियममा नोभेम्बर १६ मा हुने छ। दुवै खेल नेपाली समय दिउँसो सवा २ बजे हुनेछन्।
कात्तिक २५, २०८० शनिबार २१:१०:३२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
