चार देश सम्मिलित टी-२० क्रिकेट श्रृंखलामा राम्रो प्रदर्शन गर्छौं : नवनियुक्त कप्तान बर्मा

काठमाडौं : नेपाली महिला क्रिकेट टोलीकी नवनियुक्त कप्तान इन्दु बर्माले चार देश सम्मिलित महिला टी–२० क्रिकेट श्रृंखलामा राम्रो प्रदर्शन गर्ने बताएकी छिन्।

आगामी कात्तिक २९ गतेदेखि हङकङमा हुने चार देश सम्मिलित टी-२० श्रृंखला खेल्न आईतवार त्यसतफ जान लगेको नेपाली टोलीलाई बिदाई गर्न नेपाल क्रिकेट संघ (क्यान) ले  आयोजना गरेको कार्यक्रममा बोल्दै उनले आफ्नो लागि समेत अवसरका रूपमा लिएको यस श्रृंखलामा राम्रो प्रदर्शन गर्ने बताइन्। 

विगत ११ वर्षदेखि नेपालको कप्तानी समाल्दै आएकी रुबिनालाई हटाउँदै क्यानले यसै हप्ता मात्र इन्दुलाई नेतृत्वको जिम्मेवारी दिएको हो।

खेलका कमजोर पक्षमा ध्यान दिएको उनले उल्लेख गर्दै उनले विशेष फिल्डिङ र फिटनेसमा ध्यान दिइरहेको समेत बताइन्। 

क्यानका सचिव  पारस खड्काले खेलाडीलाई उत्कृष्ट प्रदर्शन गर्दै च्याम्पियन भएर घर फर्कन शुभकामना दिए। कात्तिक २९ देखि मंसिर ३ सम्म हुने श्रृंखलाका सबै खेल हङकङ क्रिकेट क्लबको मैदानमा हुनेछन्। 

कात्तिक २५, २०८० शनिबार १८:२२:५० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।