धनतेरसमा नेटा भीको विशेष छुट, २ लाख ८० हजार डाउनपेमेन्ट मै कार

काठमाडौं : धनतेरसमा नेटा भी विद्युतीय कार खरिदमा विशेष छुट योजना सार्वजनिक गरेको छ।

नेटा भीको नेपालका लागि आधिकारिक विक्रेता सीजी मोटर्सले विशेष अफर ल्याएको हो।

कम्पनी ल्याएको अफर अन्तर्गत अब नेटा भी डाउन पेमेन्टमा लिन चाहने ग्राहकहरुले ३८.९९ लाखको २० प्रतिशतले हुन आउने ७ लाख ८० हजार रुपैयाँ डाउन पेमेन्ट गर्नुपर्ने छ।

तर, कम्पनीले डाउन पेमेन्टको रकममध्ये  ५ लाख बराबर रुपैयाँ क्यास ब्याक अफर दिएकाले २ लाख ८० हजार मात्रै डाउन पेमेन्ट गर्दा पुग्छ। यो योजना सिमित अवधीको लागि मात्र उपलब्ध हुने कम्पनीले जनाएको छ।

नेपालभरका सम्पूर्ण शोरुमबाट यो सुबिधा उपलब्ध हुने छ।

नेटा भी क्रसओभर सेग्मेन्टमा बोल्ड लुक्समा पियोर ईभी प्लेटफर्ममा उत्पादित ईभी हो। जसमा कम्पनीले ३८।५ किलोवाट पावर क्षमताको ब्याट्रीको साथमा ७० किलोवाट क्षमताको मोटर प्रदान गरेको छ। जसले १६० एनएमको टर्क उत्सर्जन गर्ने क्षमता राख्दछ। 

करिब २० मिनेटको समयमा नै ३० देखि ८० प्रतिशत फास्ट चार्ज हुने गाडीले  फूल चार्जमा ३८० किलोमिटरसम्मको रेन्ज दिने कम्पनीको दाबी छ।

कात्तिक २५, २०८० शनिबार १८:००:५५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।