विश्वकप क्रिकेट : आज अफगानिस्तान र दक्षिण अफ्रिका भिड्दै, सेमिफाइनलमा पुग्न अफगानिस्तानले ४३८ रनको जित निकाल्नुपर्ने
काठमाडौं : भारतमा जारी आईसीसी एकदिवसीय विश्वकप क्रिकेटमा आज शुक्रबार दक्षिण अफ्रिकाले अफगानिस्तानको सामना गर्दैछ।
अहमादाबादस्थित नरेन्द्र मोदी स्टेडियममा खेलाइने खेल दिउँसो सवा २ बजे सुरु हुनेछ।
दक्षिण अफ्रिका जारी विश्वकपमा सेमिफाइनलमा पुगिसकेको छ भने अफगानिस्तानको सेमिफाइनल पुग्ने सम्भावना प्राविधिक रुपमा मात्र बाँकी छ।
भारत, दक्षिण अफ्रिका र अस्ट्रेलिया यसअघि नै विश्वकपको सेमिफाइनलमा पुगिसकेका छन्।
आफ्नो अन्तिम खेल खेल्ने तयारीमा रहेको अफगानिस्तान आठ बंकसहित तालिकाको छैठौँ स्थानमा छ।
जारी विश्वकपको सेमिफाइनलमा पुग्न अफगानिस्तानले आजको खेलमा दक्षिण अफ्रिकालाई चार सय ३८ रनको विशाल अन्तरले हराउनु पर्ने छ। दक्षिण अफ्रिकालाई त्यो भन्दा कम रनले हराएमा अफगानिस्तान सेमिफाइनलमा पुग्न असफल हुनेछ।
कात्तिक २४, २०८० शुक्रबार ११:१३:३१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
