२७ करोडमा लाग्यो त्रिवि क्रिकेट मैदानमा फ्लडलाइट राख्ने ठेक्का
काठमाडौं : त्रिभुवन विश्वविद्यालय अन्तर्राष्ट्रिय क्रिकेट मैदानमा फ्लडलाइट राख्ने २७ करोडमा ठेक्का लागेको छ।
मंगलबार राष्ट्रिय खेलकुद परिषद्ले सार्वजनिक सूचना निकालेर सिनामंगलको महावीर श्री इन्टरनेशल प्राइभेट लिमिटेडलाई ठेक्का दिने निर्णय गरेको जानकारी गराएको हो।
ठेक्का भ्याट बाहेक २७ करोड ४० लाख २ हजार २२ रुपैयाँमा लागेको छ। यसअघि पहिलो पटक टेन्डर खोल्दा कोही पनि सहभागी नभएपछि पुनः टेण्डर खोलिएको थियो।
ठेक्का लागेसँगै अब त्रिवि मैदानमा फ्लडलाइटको कामले तीव्रता पाउने राष्ट्रिय खेलकुद परिषद्को विश्वास छ।
कात्तिक २१, २०८० मंगलबार १२:४०:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
