विश्वकप क्रिकेटमा आज एक जित मात्र निकालेको बङ्लादेश र श्रीलंका भिड्दै
काठमाडौं : भारतमा जारी आईसीसी एकदिवसीय विश्वकप क्रिकेटमा आज बङ्लादेश र श्रीलंका भिड्दैछन्।
नँया दिल्लीमा खेलाइने खेल दिउँसो सवा २ बजे सुरु हुनेछ। अंक तालिकाको सातौं स्थानमा रहेको श्रीलंकाले ७ खेलमा २ मा मात्र जित निकालेर ४ अंक जोडेको छ।
यस्तै, पुछारभन्दा माथि रहेको बङ्लादेशले ७ खेलमा मात्र एक खेल जितेको छ। गएराति सकिएको खेलमा भारतले दक्षिण अफ्रिकालाई २ सय ४३ रनको ठूलो अन्तरले पराजित गर्याे।
कोलकाताको इडेन गार्डेनमा टस जितेर पहिले ब्याटिङ गरेको भारतले निर्धारित ५० ओभरमा ५ विकेट गुमाएर ३ सय २६ रन बनायो।
तीन सय २७ रनको लक्ष्य पछ्याएको दक्षिण अफ्रिका २७ ओभर एक बलमा ८३ रन मात्रै बनाएर अलआउट भयो।
जारी विश्व कपमा भारतको यो लगातार आठौँ जित हो।
कात्तिक २०, २०८० सोमबार १०:०३:०१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
