हुवावेले गर्यो पहिलो तीन त्रैमासको व्यापार परिणाम घोषणा

काठमाडौं : हुवावेले २०२३ को पहिलो तीन त्रैमासिकको व्यापारिक नतिजा सार्वजनिक गरेको छ। 

यस अवधिमा हुवावेले वार्षिक रुपमा २ दशमलव  ४ प्रतिशतको वृद्धि र १६ प्रतिशतको खुद नाफा मार्जिनसँगै सीएनवाई ४५६.६ बिलियन राजस्व आर्जन गरेको छ।

कम्पनीको कार्यसम्पादन पूर्वानुमान अनुरूप छ’, हुवावेका घुम्ती अध्यक्ष केन हुले भने, ‘म हाम्रा ग्राहक र साझेदारलाई उनीहरुको निरन्तर विश्वास र समर्थनको लागि धन्यवाद दिन चाहन्छु। अगाडि बढ्दै, हामी हाम्रो व्यापार पोर्टफोलियोको अधिकतम बनाउन र हाम्रा उत्पादन र सेवाको प्रतिस्पर्धालाई नयाँ उचाइहरूमा लैजान आर एन्ड डीमा हाम्रो लगानी बढाउन जारी राख्नेछौँ। सधैँजस्तै हाम्रो लक्ष्य हाम्रा ग्राहक, साझेदार र समाजका लागि ठूलो मूल्य सिर्जना गर्नु हो।’

सन् २०२२ मा हुवावेले अमेरिकी डलर ९३.५ बिलियन राजस्व र अमेरिकी डलर ५.२ बिलियन खुद नाफा कमाएको थियो।

हुवावेले २०२२ मा अमेरिकी डलर २३.५ बिलियनको वार्षिक खर्चसँगै कम्पनीको वार्षिक राजस्वको २३.५ प्रतिशतको प्रतिनिधित्वसँग अनुसन्धान र विकासमा आफ्नो लगानी सुदृढ गर्न जारी राख्यो र विगत १० वर्षमा आफ्नो कुल अनुसन्धान र विकास खर्च अमेरिकी डलर १४२.३ बिलियनभन्दा बढी ल्याएको छ।

कात्तिक २०, २०८० सोमबार ०८:२८:१४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।