विश्वकप क्रिकेट : आयोजक भारतको अपराजित यात्रा कायमै, दक्षिण अफ्रिकालाई २ सय ४३ रनले हरायो
काठमाडौं : आईसीसी एक दिवसीय विश्व कप क्रिकेटमा आयोजक भारतले दक्षिण अफ्रिकालाई २ सय ४३ रनको ठूलो अन्तरले पराजित गरेको छ।
शनिबार कोलकाताको इडेन गार्डेनमा टस जितेर पहिले ब्याटिङ गरेको भारतले निर्धारित ५० ओभरमा ५ विकेट गुमाएर ३ सय २६ रन बनायो।
तीन सय २७ रनको विजयी लक्ष्य पछ्याएको दक्षिण अफ्रिका २७ ओभर एक बलमा ८३ रनमै अल आउट भयो।
यससँगै भारत अपराजित यात्रा कायम राख्दै १६ अङ्कसहित शीर्ष स्थानमा छ। हिजोको जितसँगै भारत शीर्ष स्थानमा रहेरै सेमिफाइनलमा पुग्ने पक्का भएको छ।
भारत सेमिफाइनलमा भने यसअघि नै पुगिसकेको थियो दक्षिण अफ्रिका पनि सेमिफाइनलमा पुगिसकेको छ।
कात्तिक २०, २०८० सोमबार ०७:०८:१८ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
