रुस्लानको वार्षिकोत्सवमा गल्फ प्रतियोगिता आयोजना हुने

काठमाडौं : नेपालकै सर्वोकृष्ट भोड्का, रुस्लानले ५०औं वार्षिकोत्सवको अवसरमा गल्फ प्रतियोगिता आयोजना गर्ने भएको छ।

सन् १९७३ मा स्थापना भएको रुस्लान भोड्काले रोयल नेपाल गल्फ क्लबसँगको सहकार्यमा ‘रुस्लान ५० औं वार्षिकोत्सव गल्फ प्रतियोगिता’ आयोजन गर्न लागेको हो।

नेपालमै गल्फको सुरुवातकर्ता रोयल नेपाल गल्फ क्लबले पनि आफ्नो सञ्चालनको १०७ औं वर्ष मनाउँदै छ।यसै अवसरमा रुस्लान र रोयल नेपाल गल्फ क्लब दुवै मिलेर सो प्रतियोगिता आयोजन गर्न लागेको हो।

जावलाखेल ग्रुप अफ इण्डष्ट्रिजका निर्देशक श्रीहर राणाका अनुसार रुस्लानको पाँच दशक यात्रा र रोयल नेपाल गल्फ क्लब को १०७ औं वर्षको यात्रालाई प्रतिबिम्बित गर्दै यस गल्फ प्रतियोगिता गर्न लागिएको बताए।

१७ र १८ कात्तिकमा रोयल नेपाल गल्फ क्लबमा आयोजना हुने प्रतियोगितामा १३० जना रोयल नेपाल गल्फ क्लब सदस्यहरूको प्रतिस्पर्धा हुनेछ।

कात्तिक १९, २०८० आइतबार १३:२४:३४ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।