टी-२० विश्वकप छनोटको फाइनलमा आज नेपालले ओमानको सामना गर्दै
काठमाडौं : आईसीसी टी-२० विश्वकप छनोटको फाइनलमा नेपालले आज ओमानको सामना गर्दैछ।
किर्तिपुरस्थित टियू क्रिकेट मैदानमा हुने खेल बिहान ११ बजेदेखि सुरु हुनेछ।
फाइनलमा पुगेका दुवै टोलीले सन् २०२४ मा हुने विश्वकपका लागि छनोट भइसकेका छन्।
नेपालले सेमिफाइनलमा यूएईलाई ८ विकेटले पराजित गर्दै विश्वकपमा आफ्नो स्थान पक्का गरेको हो भने ओमानले बहराइनलाई १० विकेटले हराएको थियो।
यस प्रतियोगितामा नेपाल र ओमान समूह चरणको खेलमा आमनेसामने भइसकेका छन्। समूह ए अन्तर्गत भएको रोमाञ्चक खेलमा ओमानले नेपाललाई ५ रनले हराएको थियो।
आजको खेलमा नेपालसँग उक्त हारको बदला लिने अवसर रहेको छ।
कात्तिक १९, २०८० आइतबार ०७:३३:२७ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
