विश्वकप छनोट : नेपालले आज ओमानसँग खेल्दै, समूह विजेताको टुंगो लाग्ने
काठमाडौं : काठमाडौंमा जारी आइसिसी टी-२० विश्वकप २०२४ अन्तर्गत एसिया क्षेत्र छनोटमा नेपालले समूह चरणको अन्तिम खेलमा आज बिहीबार ओमानसँग खेल्दैछ।
कीर्तिपुरस्थित त्रिवि मैदानमा हुने खेल विहान ९ बजेदेखि सुरु हुनेछ।
आजको खेलसँगै समूह ’ए’ को विजेताको टुंगो लाग्नेछ। नेपाल समूह विजेता बनेमा समूह ’बी’ को उप-विजेतासँग सेमिफाइनलमा प्रतिस्पर्धा गर्नेछ। सेमिफाइनल जित्ने टिम विश्वकपमा छनोट हुनेछन्।
नेपाल समूह विजेता बनेर अर्को समूहको उप-विजेतासँग सेमिफाइनलमा भिड्ने योजनामा छ।
अर्को समूहमा युएई विजेता हुने सम्भावना छ। यस्तै बहराइन, हङकङ र कुवेतमध्ये एक टिम उपविजेता हुने सम्भावना देखिन्छ।
नेपाल र ओमानबीच टी–२० अन्तर्राष्ट्रिय खेलमा अहिलेसम्म चार पटक प्रतिस्पर्धा भएको छ।
कात्तिक १६, २०८० बिहीबार ०६:४७:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
