एकै खेलमा शतक र ५ विकेट लिने खेलाडीलाई डिसहोमले २० लाख दिने

काठमाडौं : डिसहोम फाइबरनेटले टी–२० विश्वकप एसिया क्षेत्र छनौटअन्तर्गत एकै खेलमा शतक र ५ विकेट लिने खेलाडीलाई २० लाख रुपैँया दिने घोषणा गरेको छ। 

डिसहोमले बुधबार आफ्नो फेसबुक पेजमार्फत विश्वकप छनौटमा उत्कृष्ट प्रदर्शन गर्ने खेलाडीलाई नगद प्रोत्साहनको घोषणा गरेको हो।

कम्पनीका अनुसार एकै खेलाडीले एउटै खेलमा शतक प्रहार गर्दै ५ विकेट पनि लिएमा २० लाख रुपैयाँ पाउनेछन्।

शतकमात्रै प्रहार गर्ने खेलाडीलाई १० लाख रुपैयाँ उपलब्ध गराउने डिसहोमको घोषणा छ।

५ विकेट लिने खेलाडीलाई ५ लाख रुपैयाँ र अर्धशतक प्रहार गर्ने खेलाडीलाई १ लाख रुपैयाँ दिने कम्पनीको घोषणा छ। 

यस्तै, एउटै खेलमा ३ विकेट लिनेलाई १ लाख, ३५ रन प्रहार गर्नेलाई ५० हजार र ३ क्याट वा स्टम्प गरेमा ५० हजार रुपैयाँको घोषणा कम्पनीले गरेको छ।

कात्तिक १५, २०८० बुधबार १६:४५:०३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।