फिल्म विच्छेदबाट बुलबुलकी 'मुकुन जोडी' स्वस्तिमालाई बिर्साउन सक्लिन् लक्ष्मीले !

काठमाडौँ : फिल्म बुलबुलमा गरेको उम्दा अभिनयले दर्शकमाझ सहजै भिज्न सफल अभिनेता मुकुन भुसाल र लक्ष्मी बर्देवाले अभिनय गरेको फिल्म ‘विच्छेद’ को टिम अहिले प्रचारमा व्यस्त छ। बुलबुलबाट मुकुनसँगै अभिनेत्री स्वस्तिमा खड्काले दर्शकबाट राम्रो प्रतिक्रिया पाएका थिए।

ट्याम्पो चालक महिलाकै चरित्रमा रहेकी लक्ष्मी बर्देवाको भूमिका सहायक भए पनि उनको अभिनयले दर्शकको स्याबासी पाउन सफल भएकी थिइन्। फिल्म विच्छेदमा भने लक्ष्मी सहायक हैन मुकुनको अपोजिट भूमिकामा छिन्।

मङ्सिर ८ गते रिलिज डेट तोकेको फिल्मले पोस्टर र टिजर सार्वजनिक गरेसँगै गाजले बोलको गीत समेत सार्वजनिक गरेको छ। यो फिल्म सत्यराज चौलागाईंले निर्देशन गरेका हुन्। फिल्मका निर्माता राजकुमार पण्डित, दिमेश श्रेष्ठ सुवास राई र सावित्री बज्राचार्य हुन्। 

फिल्मको कथा अभिनेता मुकुन भुसालकै हो। पटकथा निर्देशक चौलागाईंले लेखेका छन्। फिल्म रामेछापमा छायाङ्कन भएको हो। फिल्ममा मुकुन र लक्ष्मीसँगै सुष्मा निरौला, प्रिया रिजाल, लय सङ्ग्रौला, हिउँवाला गौतम, सरिता राजोपाध्याय, लक्ष्मीनाथ तिमिल्सिना, जीवन थापा, जयराम सापकोटा लगायतका कलाकारले अभिनय गरेका छन्।

कात्तिक १५, २०८० बुधबार १३:०४:०३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।