मलेसियाविरुद्ध कुशल मल्लले बनाए अर्धशतक

काठमाडौं : काठमाडौंमा जारी टी-२० विश्वकप छनोटमा मलेसियाविरुद्ध कुशल मल्लले अर्धशतक बनाएका छन्।

ओपनर कुशल भुर्तेल आउट भएपछि क्रिजमा आएका मल्लले आक्रमक ब्याटिङ गर्दै २५ बलमा अर्धशतक बनाए।

२५ बलमै ६ छक्का र एक चौकाको मद्दत अर्धशतक बनाएका हुन्। १६६ रनको लक्ष्य पछ्याएको नेपालले १४.३ ओभरमा ३ विकेट गुमाएर  १४० रन बनाएको छ।

कीर्तिपुरस्थित अन्तर्राष्ट्रिय क्रिकेट मैदानमा टस जितेर पहिले ब्याटिङ गरेका मलेसियाले निर्धारित २० ओभरमा नौ विकेट गुमाएर एक सय ६५ रन बनाएकाे थियाे।

उसका लागि सैयद अजिजले सर्वाधिक ६८ रन बनाए। जुबैदी जुल्किफले पनि २४ रन बनाउनु बाहेक बाँकी खेलाडीले दोहोरो अंकमा रन बनाउन सकेनन्।

नेपालका लागि अविनाश बोहराले चार विकेट लिए। उनले चार ओभर बलिङ गर्दै २७ रन खर्चिएका थिए। यस्तै, सन्दीप लामिछाने, गुल्सन झा र रोहित पौडेलले समान एक/एक विकेट झारे।

कात्तिक १४, २०८० मंगलबार १६:०५:५८ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।