विश्वकप क्रिकेट : पाकिस्तानले टस हार्यो, बङ्लादेशले पहिले ब्याटिङ गर्ने
काठमाडौं : भारतमा जारी आईसीसी एकदिवसीय विश्वकप क्रिकेट अन्तर्गत बङ्लादेशविरुद्ध पाकिस्तानले टस हारेको छ।
कोलकाताको इडेन गार्डेनमा बङ्लादेशले टस जितेर पहिले ब्याटिङ रोजेको छ। खेल केही समयमा सुरु हुनेछ।
६ वटा खेल खेलेकोमा दुई वटामा मात्रै विजयी भएको पाकिस्तानको चार अंकमात्रै रहेको छ। तालिकामा पाकिस्तान सातौँ स्थानमा छ।
यस्तै, एक खेलमा मात्रै जित निकालेको बङ्लादेश तालिकाको नवौँ स्थानमा छ।
आयोजक भारत ६ वटै खेल जितेर १२ अंककासाथ तालिकाको पहिलो स्थानमा रहेको छ।
६ खेलमा पाँच वटामा जित र एउटामा हार बेहोरेको दक्षिण अफ्रिका १० अंकसहित दोस्रो स्थानमा रहेको छ।
कात्तिक १४, २०८० मंगलबार १३:५७:१३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
