टी-२० विश्वकप एसिया छनोटमा आज पनि चार खेल, नेपाल मलेसियासँग भिड्दै
काठमाडौं : आईसीसी टी-२० विश्वकप एसिया फाइनल छनोटमा मंगलबार पनि चार खेल हुँदैछन्।
सोमबार पहिलो दिन पनि चार खेल भएकामा मंगलबार पनि चार लेख हुन लागेका हुन्।
आज सिंगापुर र ओमान बिहान ९ बजे त्रिवि क्रिकेट मैदानमा आमनेसामने हुँदैछन्।
सोही समयमा बहराइन र हङकङ मूलपानी क्रिकेट मैदानमा भिड्दैछन्।
त्यस्तै आज दिउँसो सवा १ बजे त्रिवि क्रिकेट मैदानमा सुरु हुने खेलमा नेपालले मलेसियाको सामना गर्दा सोही समयमा मूलपानी क्रिकेट मैदानमा यूएई र कुवेत आमनेसामने हुनेछन्।
यसअघि सोमबार भएको खेलमा नेपालले सिंगापुरलाई ८ विकेटले पराजित गरेको थियो। त्यस्तै यूएईले बहराइनलाई ५ विकेटले पन्छाएको थियो।
दिउँसोको खेलमा ओमले मलेसियालाई ३२ रनले पराजित गर्दा हङकङले कुवेतविरुद्ध १६ रनको जित निकालेको थियो।
कात्तिक १४, २०८० मंगलबार ०७:०३:२१ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
