टी-२० विश्वकपको एसिया छनोटमा अर्नाको घोषणा : एक रन र डट बलको १ हजार, छक्का र विकेटको २५ हजार पुरस्कार
काठमाडौँ : टी-२० विश्वकपको एसिया छनोटमा सहभागी नेपाली टिमका खेलाडीका लागि अर्ना बियरले नगद पुरस्कार घोषणा गरेको छ।
अर्नाले आफ्नो फेसबुक पेजमार्फत गरेको घोषणामा टी–२० विश्वकप छनोटमा नेपालका खेलाडीले बनाउने प्रत्येक रनको १ हजार, प्रत्येक चौकाको थप १० हजार, छक्काको थप २० हजार रूपैयाँ दिने उल्लेख गरेको छ।
उसले बलिङतर्फ पनि नगद पुरस्कार घोषणा गरेको छ। अर्नाले जनाए अनुसार एउटा डट बल बराबर १ हजार, एक मेडन ओभरको १० हजार र हरेक विकेटमा २५ हजार रूपैयाँ दिइनेछ।
टी–२० विश्वकपको एसिया छनोटका खेलहरू सोमबार काठमाडौँमा सुरु हुँदै छ। नेपालले पहिलो खेल सिंगापुरविरुद्ध सोमबार बिहान ९ बजे त्रिवि क्रिकेट मैदान कीर्तिपुरमा खेल्ने छ।
कात्तिक १२, २०८० आइतबार १५:३३:१५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
