टी-२० विश्व कप छनोटको खेल तालिका सार्वजनिक, नेपालले पहिलो खेल सिङ्गापुरसँग खेल्ने

काठमाडौं : टी-२० विश्व कप एसिया क्षेत्र छनोट प्रतियोगितामा नेपालले पहिलो खेल सिङ्गापुरसँग खेल्ने भएको छ। 

नेपाल क्रिकेट संघ क्यानले सार्वजनिक गरेको खेल तालिका अनुसार नेपालको पहिलो खेल सोमबार सिङ्गापुरसँग हुने भएको हो।

त्रिवि क्रिकेट मैदान कीर्तिपुर र मूलपानी क्रिकेट मैदानमा हुने छनोट प्रतियोगिता भोलिदेखि आउँदो १९ गतेसम्म आयोजना हुँदैछ। 

नेपालले दोस्रो खेल कात्तिक १४ गते मंगलबार मलेसिया र तेस्रो खेल कात्तिक १६ गते ओमानसँग खेल्नेछ।

नेपाल रहेको समूह ’ए’ मा सिङ्गापुर, ओमान र मलेसिया छन्। समूह ’बी’ मा यूएई, बहराइन, हङकङ र कुवेत छन्। 

यस छनोटको फाइनल पुग्ने दुई टोलीले अर्को वर्ष अमेरिका र वेस्ट इन्डिजमा आयोजना हुने टी–२० विश्व कप खेल्न पाउने छन्।

नेपालले छनोटका लागि रोहित कुमार पौडेलको कप्तानीमा १५ सदस्यीय टोलीको घोषणा गरिसकेको छ।

कात्तिक १२, २०८० आइतबार ०९:५३:५७ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।