विश्वकप क्रिकेट : बंगलादेशमाथि नेदरल्यान्ड्सको शानदार जित
काठमाडौं : भारतमा जारी आइसिसी एकदिवसीय क्रिकेटमा नेदरल्यान्ड्सले दोस्रो जित निकालेको छ।
शनिबार कोलकतामा भएको खेलमा नेदरल्यान्ड्सले बंगलादेशमाथि ८७ रनको जित निकाल्यो।
नेदरल्यान्ड्सले दिएको २३० रनको मध्यम लक्ष्य पछ्याएको बंगलादेश ४२.२ ओभरमा १४२ रनमै अलआउट भयो। उसका लागि मेहदी हसन मिराजले सबैभन्दा बढी ३५ रन जोडे। अन्य ब्याट्सम्यानहरुले दोहोरो अंकमा रन जोड्न सकेनन्।
नेदरल्यान्ड्सका लागि पाउल भान मीकेरेनले ४ विकेट लिए। त्यसअघि टस जितेर पहिले ब्याटिङ गरेको नेदरल्यान्ड्सले निर्धारित ५० ओभरमा २२९ रनमा अलआउट भयो।
नेदरल्यान्ड्सका लागि कप्तान स्कट इडवार्ड्सले ६८ रन तथा वेस्ली वारेसीले ४१ रन बनाए।
कात्तिक १२, २०८० आइतबार ०७:५२:४५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
