ईपीएलमा क्रिस्टल प्यालेसमाथि टोटेनहम हावी

एजेन्सी : इंग्लिश प्रिमियर लिग (ईपीएल) अन्तर्गत गएराति सम्पन्न खेलमा लिगको शीर्ष स्थानमा रहेको टोटेनहम हटस्परले क्रिस्टल प्यालेसमाथि २-१ को जित निकालेको छ।

प्यालेसको मैदान सेलहर्स्ट पार्कमा टोटनहमका लागि सन ह्यूङ-मिनले एक गोल गरे भने एक गोल आत्मघाती गोल रह्यो।

शीर्षस्थानमा १०औं चरणको खेल सुरू गरेको टोटनहमले ५३औं मिनेटमा खेलमा अग्रता लिएको थियो।

जेम्स म्याडिसनको क्रस रोक्ने प्रय्समा क्रिस्टल प्यालेसका जोएल वार्डले बललाई आफ्नै पोस्टतर्फ फर्काएका थिए।

६६औं मिनेटमा टोटनहमले अग्रता दोब्बर बनायो। खेल्नको अन्तिम तिर क्रिस्टल प्यालेसले एक गोल फर्काएको थियो।

आन्द्रे आयुले थपिएको समयको चौथो मिनेटमा फर्काएको गोलपछि पनि प्यालेसले अवसरहरू सृजना गरेको थियो। तर, अन्त्यमा प्यालेस पराजित हुन पुग्यो।

जितपछि टोटनहमको १० खेल बाट २६ अंक भएको छ भने दोस्रो स्थानमा रहेको म्यानचेस्टर सिटीको ९ खेलमा २१ अंक छ। क्रिस्टल प्यालेस भने १२ अंक सहित ११औं स्थानमा छ।

प्रिमियर लिगमा शनिबार साँझ पाँच खेल हुँदैछन्।

कात्तिक ११, २०८० शनिबार ०७:२७:२५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।