‘सिंघम ३’को सेटबाट रोहिते सार्वजनिक गरे दुई तस्बिर
एजेन्सी : बलिउडका चर्चित निर्देशक रोहित शेट्टीको फिल्म ‘सिंघम ३’ बनाउँदैछन्। यसैबीच उनले दीपिका पादुकोण र टाइगर श्राफको लुक सार्वजनिक गरेका छन्।
यो फ्रेन्चाइज फिल्मको पहिलो र दोस्रो भाग जस्तै तेस्रो भागमा पनि अजय देवगन मुख्य भूमिकामा छन्। चलचित्र ‘सिंघम ३’ को रिलिजको प्रतिक्षामा फ्यानहरु आतुर छन्।
यसैबीच, रोहित शेट्टीले फिल्म ‘सिंघम ३’ को सुटिङ सेटबाट एक तस्बिर सार्वजनिक गरेका छन्। जसले फ्यानलाई थप उत्साहित बनाएको छ।
निर्देशक शेट्टी अहिले ‘सिंघम ३’ को सुटिङमा व्यस्त छन्। रोहित शेट्टीले बिहीबार आफ्नो इन्स्टाग्राम अकाउन्टबाट फिल्म ‘सिंघम ३’ को सुटिङका दुई तस्बिर सेयर गरेका छन्।
यी तस्विरहरूमा कार र ट्रकमा आगो लागेको देख्न सकिन्छ। फिल्मको सुटिङका तस्बिरसँगै उनले ‘सिङ्घम अगेन’ ह्यासट्यागमा ‘वर्क इन प्रोग्रेस...’ लेखेका छन्।
फिल्म ‘सिंघम ३’ सन् २०२४ मा रिलिज हुँदैछ। यो फिल्मले बक्स अफिसमा अल्लु अर्जुनको फिल्म ‘पुष्पा २’सँग प्रतिस्पर्धा गर्नेछ।
फिल्ममा अजय देवगनका अलावा करीना कपूर, दीपिका पादुकोण, टाइगर श्राफ पनि देखिनेछन्। योसँगै फिल्ममा सिम्बा अर्थात रणवीर सिंह र सूर्यवंशी अर्थात अक्षय कुमार क्यामियो रोलमा देखिनेछन्।
कात्तिक १०, २०८० शुक्रबार ०९:१८:४३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
