त्रि-देशीय टी-२० आई सिरिजमा युएई र हङकङ भिड्दै, यस्तो छ अंकगणित

काठमाडौं : काठमाडौंमा जारी त्रि-देशीय टी-२० आई क्रिकेट सिरिजमा आज युएई र हङकङ भिड्दैछन्।

माथिल्लो मुलपानी अन्तर्राष्ट्रिय क्रिकेट मैदानमा दिउँसो १ बजे हुने खेल जारी सिरिजको समूह चरणको अन्तिम खेल हो।

यसअघिका सिरिजको तीनै खेलमा हङकङ पराजित भइसकेको छ भने युएई खेलेका तीनमध्ये दुईमा पराजित भएको छ। नेपाल भने चारै खेलमा जित निकाल्दै फाइनल प्रवेश गरिसकेको छ।

आजको खेलमा युएईले हङकङलाई पराजित गरेको खण्डमा फाइनल पुग्नेछ भने हङकङले युएईमाथि ठूलो जित निकालेको खण्डमा मात्र फाइनल पुग्नेछ।

युएई र हङकङले यसअघि खेलेका चार खेलमध्ये एक खेलमा मात्र हङकङ हावी भएको छ। बाँकी तीन खेलमा युएईले नतिजा आफ्नो पक्षमा पारेको छ।

प्रतियोगिताको फाइनल खेल आगामी शुक्रबार त्रिभुवन विश्वविद्यालय अन्तर्राष्ट्रिय क्रिकेट मैदानमा हुनेछ।

कात्तिक ८, २०८० बुधबार ०७:४७:५२ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।