त्रिदेशीय सिरजमा नेपालले आज हङकङसँग खेल्दै
काठमाडौं : युएईसहितका तीन देश सम्मिलित त्रिदेशीय टी२० आई सिरिजमा आज नेपालले हङकङसँग खेल्दैछ।
खेल बिहान ११ बजे काठमाडौंको माथिल्लो मुलपानी क्रिकेट मैदानमा हुनेछ। हङकङलाई हराएमा नेपाल यो सिरिजको फाइनलमा पुग्नेछ।
हङकङसँग भएका पछिल्लो पाँच टी२० खेलमा नेपाल दुई वटामा मात्र विजयी भएको छ। तीन खेलमा हङकङले हावी भएको छ।
यसअघि भएको खेलमा नेपालले हङकङलाई ६ विकेटले पराजित गरेको थियो। हङकङको सुरुवाती ब्याटिङ अर्डर ध्वस्त हुँदा ९४ रनमा समेटिएको थियो।
नेपालले अर्को खेल सोमबार बिहान ११ बजे युएईसँग खेल्नेछ।
कात्तिक ४, २०८० शनिबार ०७:५१:०९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
