सुनको भाउ अहिलेसम्मकै उच्च, बिहीबारको रेकर्ड पनि तोडियो
काठमाडौं : सुनको भाउ अहिलेसम्मकै महँगाे भएको छ। सुनको भाउ शुक्रबार तोलामा १ लाख १५ हजार ५ सय रूपैयाँमा पुगेको छ।
शुक्रबार सुनको भाउ तोलामा १ हजार ८ सय रुपैयाँले बढेको हो। यसअघि बिहीबार सुनको भाउ तोलाको १ लाख १३ हजार ७ सय रूपैयाँ पुगेको थियो।
यो रेकर्ड पनि तोड्दै सुनको भाउ एक लाख १५ हजार ५ सय रूपैयाँ पुगेको हो।
अन्तर्राष्ट्रिय बजारमा सुनको कारोबार अस्थिर भएकाले भाउ अझै बढ्नसक्ने नेपाल सुन चाँदी व्यवसायी महासङ्घका पूर्व अध्यक्ष तेजरत्न शाक्यले जानकारी दिए।
शुक्रबार चाँदीको भाउ पनि बढेको छ। तोलामा ५ रुपैयाँले बढेर चाँदी १ हजार ४ सय रुपैयाँमा कारोबार भइरहेको छ।
कात्तिक ३, २०८० शुक्रबार १३:०९:३० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
