निशान नेपालको अफर, इंग्ल्याण्ड र पाकिस्तानबीचको विश्वकप हेर्ने अवसर

काठमाडाैं : निशान गाडीको नेपालका लागि आधिकारिक विक्रेता पायोनियर मोटो कर्पले चार भाग्यशाली विजेतालाई विश्वकप क्रिकेटको टिकट उपहार दिने भएको छ।

भारतमा अहिले क्रिकेट विश्वकप भइरहेको छ। निशान अन्तर्राष्ट्रिय क्रिकेट काउन्सिल (आईसीसी)को प्रायोजकसमेत हो। निशानले इंग्ल्याण्ड र पाकिस्तानबीचको खेलको टिकट उपहार दिन लागेको हो।

आईसीसीसँगको सहकार्यमा कम्पनीले निसानको कुनै पनि मोडलको कार किन्ने ग्राहकहरूलाई लक्की ड्रमा सहभागी हुन योग्य हुनेछन्। खेल ११ नोभेम्बर २०२३ मा कोलकाताको ऐतिहाशिक इडेन गार्डेन स्टेडियममा हुने तय भएको छ।

पायोनियर मोटो कर्पका प्रबन्ध निर्देशक सन्दिप कुमार का अनुसार अति रोमाञ्चक खेलकुदको उत्सव क्रिकेट विश्वकप र आईसीसी सँगको साझेदारीलाई निरन्तरता दिन हामीले विशेषगरी क्रिकेट फ्यान भएका हाम्रा निसान ग्राहकहरूका लागि यो उपहार घोषणा गरेका छौँ।

यस प्रतिष्ठित कार्यक्रमको मुख्य प्रायोजकको रूपमा, निसानले क्रिकेट प्रतिको प्रेम फैलाउन र आफ्ना ग्राहकहरूका लागि अविस्मरणीय अनुभवहरू सिर्जना गर्न समर्पित गरेको छ।

कात्तिक ३, २०८० शुक्रबार ०९:२९:३० मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।