नन्दन हनमन्त फाडनिस नेपालको ब्याटिङ कन्सल्टेन्ट कोच नियुक्त
काठमाडौं : नेपाल क्रिकेट संघ क्यानले ब्याटिङ कन्सल्टेन्ट कोच नियुक्त गरेको छ।
विश्वकप छनोटअघि क्यानले मुख्य प्रशिक्षक मोन्टी देसाइको सिफारिसमा भारतका नन्दन हनमन्त फाडनिसलाई ब्याटिङ कन्सल्टेन्ट कोच नियुक्त गरेको हो।
क्यानले बुधबार राति सार्वजनिक गरेको भिडियोमा उनले टिमको कमजोरीमा काम गर्ने बताइएको छ। नेपालले नागपुरमा गरेको हाइ पफर्मेन्स क्याम्पअघि नै उनलाई नियुक्त गरेको छ।
क्यानले नवनियुक्त ब्याटिङ कन्सल्टेन्ट कोचसँगको छोटो अन्तरवार्तासमेत सार्वजनिक गरेको छ।
जसमा उनले नेपाली टोलीका शारीरिक, मानसिक, प्राविधिक र रणनीतिक पक्षहरूको विश्लेषण गरेर खेलमा अघि बढ्ने प्रतिबद्धता जाहेर गरेका छन्।
नेपाली टिमको ब्याटिङ र फिल्डिङ पक्ष उत्कृष्ट रहेको भए पनि केही स्थानमा स–साना सुधार गर्नुपर्ने उनले बताए।
कात्तिक २, २०८० बिहीबार ०९:१८:०५ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
