लेबनानमा हिजबुल्लाहलाई लक्षित गर्दै इजरायली सेनाद्वारा मिसाइल प्रहार
![लेबनानमा हिजबुल्लाहलाई लक्षित गर्दै इजरायली सेनाद्वारा मिसाइल प्रहार](https://ukeraa.prixacdn.net/media/albums/isarael_AVjIexc5of.jpg )
एजेन्सी : इजरायल डिफेन्स फोर्सेस (आईडीएफ)ले लेबनानमा रहेको हिजबुल्लाह स्थानहरूलाई निशाना बनाएको बताएको छ।
तर, यसबारेमा अहिलेसम्म धेरै जानकारी प्राप्त भएको छैन।
लेबनानको अल मायादीन टिभीका अनुसार इजरायलले बिहीबार बिहान दक्षिणी लेबनानको दुईवटा गाउँलाई निशाना बनाएको छ।
च्यानलले आफ्नो समाचारमा कफ्र शुबा र ओडासे नजिक मिसाइल प्रहार गरेको बताएको छ।
यसैबीच हिजबुल्लाहले बुधबार इजरायल-लेबनान सीमामा रहेको इजरायली सैन्य चौकीमा आक्रमण गरेको बताएको छ।
हिजबुल्लाह लेबनानमा इरानद्वारा समर्थित एक शिया इस्लामिक राजनीतिक पार्टी र अर्धसैनिक संगठन हो।
हिजबुल्लाह सन् १९८० को दशकको प्रारम्भमा लेबनानमा इजरायलको कब्जामा इरानको आर्थिक र सैन्य सहयोगमा उभिएको थियो।
हिजबुल्लाहलाई वर्षौंदेखि इजरायली र अमेरिकी लक्ष्यहरूलाई लक्षित गरी बम विस्फोट र षड्यन्त्र गरेको आरोप लगाइएको छ।
पश्चिमी देशहरू, इजरायल, अरब खाडी देशहरू र अरब लीगले हिजबुल्लाहलाई ‘आतंकवादी’ संगठन मान्छन्।
कात्तिक २, २०८० बिहीबार ०९:०१:३३ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।