मुलपानीमा हङकङसँग खेल्दै नेपाल
काठमाडौं : नेपाल, युएई र हङकङ सम्मिलित त्रिदेशीय शृङ्खलामा नेपालले आज हङकङसँग खेल्दैछ।
खेल विहान ११ बजे माथिल्लो मुलपानी क्रिकेट मैदानमा सुरू हुँदैछ।
पहिलो खेलमा युएईलाई सात विकेटले पराजित गरेको नेपाल लगातार दोस्रो जितको खोजीमा हुनेछ।
हङकङको भने यो नै पहिलो खेल हो।
नेपाल र हङकङबीच भएको पाँच खेलमा तीन खेल हङकङले जित्दा एक खेल मात्र नेपालले जितेको छ। एक खेल भने रद्द भएको थियो।
टी-२०विश्वकप छनोटको तयारी स्वरूप नेपाल क्रिकेट संघले प्रतियोगिता आयोजना गरेको हो।
नेपालले तेस्रो खेल कार्तिक ४ गते हङकङसँग नै खेल्नेछ। त्यसपछि नेपालले कात्तिक ६ मा यूएईसँग दोस्रो खेल खेल्नेछ।
यूएई र हङकङले भने कात्तिक ५ र ८ मा खेल्नेछन् ।
लिग चरणका सबै खेल मुलपानी हुनेछ। फाइनल खेल कीर्तिपुरस्थित त्रिवि क्रिकेट मैदानमा कार्तिक १० गते हुनेछ।
कात्तिक २, २०८० बिहीबार ०७:३९:१९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
