विश्वकप छनोटमा नेपाल आज लाओससँग भिड्दै
काठमाडौं : विश्वकप फुटबलको एसियाली छनोट खेलमा नेपालले आज (मंगलबार) लाओसविरुद्ध खेल्दैछ। लाओसको राष्ट्रिय रंगशालामा हुने दोस्रो लेगको खेल नेपाली समय अनुसार साँझ ५:४५ बजे सुरु हुनेछ।
दशरथ रंगशालामा खेलिएको पहिलो लेगको खेल १-१ गोलको बराबरीमा सकिएको थियो। नेपालका मुख्य प्रशिक्षक भिन्सेन्जो अल्बर्टो एनिसले लाओसविरुद्ध आज आक्रमक फुटबल खेल्ने बताएका छन्।
यो खेलमा जित निकाल्न सके नेपालले दोस्रो चरणमा स्थान बनाउने छ।
दोस्रो चरणमा पुगेमा समूह एचमा रहने नेपालले बहराईन, युएई र यमन वा श्रीलंकामध्ये एक गरी तीन टिमसँग होम एण्ड अवेका आधारमा छनोट खेल्नेछ।
असोज ३०, २०८० मंगलबार ०८:३५:२६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
