बोस्नियाको पोस्टमा पोर्चुगलको पहिलो हाफमै ५ गोल
एजेन्सी : युरो कपको छनोट खेलमा पोर्चुगलले बोस्निया हर्जेगोभिनालाई ५-० गोल अन्तरले पराजित गरेको छ। युरो कपका लागि छनोट भइसकेको पोर्चुगलको समूह चरणमा यो लगातार आठौं जित हो।
पोर्चुगलको जितमा क्रिस्टियानो रोनाल्डोले २ गोल गरे भने क्यान्सेलो, फेलिक्स र ब्रुनो फर्नान्डेजले समान १ गोल गरेका थिए।
बोस्नियाको घरेलु मैदानमा पोर्चुगलले सबै गोल पहिलो हाफमा गरेको थियो। युरो कपमा छनोट भइसकेको पोर्चुगलको ८ खेलमा २४ अंक छ।
समूह बी का खेलमा भने नेदरल्याण्ड्सले ग्रिसलाई १-० ले हरायो। नेदरल्याण्ड्सको जितमा भानडाइकले खेलको इन्जुरी समयमा पेनाल्टी मार्फत गोल गरेका थिए।
समूहमा फ्रान्सको ६ खेलमा १८ अंक छ भने नेदरल्याण्ड्स ६ खेलमा १२ अंकसहित दोस्रो स्थानमा छ।
असोज ३०, २०८० मंगलबार ०८:११:४४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
