त्रिकोणात्मक टी-२० शृंखलाका लागि नेपाली टोलीको घोषणा
काठमाडौं : त्रिकोणात्मक टी–२० अन्तर्राष्ट्रिय क्रिकेट शृंखलाका लागि नेपाली टोलीको घोषणा भएको छ।
नेपालले आयोजनामा वुधबारदेखि सुरू हुने शृंखलाका लागि नेपाल क्रिकेट संघ (क्यान)ले १८ सदस्यीय टोलीको घोषणा गरेको हो।
रोहित कुमार पौडेलको कप्तानी रहेको टोलीमा सन्दीप लामिछाने नहुँदा ललित राजवंशी फर्किएका छन्। बायाँ हाते स्पिनर राजवंशी एसियन गेम्सकाे अभ्यासका क्रममा टीयू क्रिकेट मैदानमा घाइते भएका थिए।
टोलीमा आशिफ सेख, कुशल भुर्तेल, सोमपाल कामी, करण केसी, सन्दीप जोरा, कुशल भुर्तेल, कुशल मल्ल, विनोद भण्डारी, सागर ढकाल, लोकेश बम, सूर्य तामाङ, श्याम ढकाल, प्रतीश जिसी र दीपेन्द्रसिंह ऐरी छन् ।
गुल्सन झा, विवेक यादब र अविनाश बोहरा पनि क्याले घोषणा गरेको टोलीमा अटाएका छन्। नेपालको समूहमा यूएई र हङकङ रहेका छन्।
असोज २९, २०८० सोमबार १३:४६:०० मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
