रोनाल्डोले २ गोल गरेपछि पोर्चुगल विजयी, युरो कपमा छनोट
एजेन्सी : पोर्चुगल अर्को वर्ष हुने युरो कप फुटबलका लागि छनोट भएको छ। गएराति भएको खेलमा स्लोभाकियालाई ३-२ ले हराउँदै पोर्चुगलले २०२४ युरो कपमा स्थान पक्का गरेको हो।
घरेलु मैदानमा पोर्चुगलको जितमा क्रिस्टियानो रोनाल्डोले २ गोल गरे। खेलको १८औं मिनेटमा गोनकालो रामोसले पोर्चुगलको खाता खोलेका थिए।
यसपछि २९औं रोनाल्डोले पेनाल्टीमा गोल गर्दै पोर्चुगलको अग्रता दोब्बर बनाए। ६९औं मिनेटमा स्लोभाकियाले एक गोल फर्काए पनि लगत्तै रोनाल्डोले गोल थपेका थिए।
लोबोटकाले यसपछि खेलको ८०औं मिनेटमा स्लोभाकियका लागि अर्को गोल गर्दा खेल ३-२ मा सकियो। यो जितपछि समूह जेमा पोर्चुगलले लगातार ७ खेल जित्दै २१ अंकका साथ युरो कपमा स्थान सुरक्षित गरेको छ।
असोज २७, २०८० शनिबार ०७:५१:३९ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
