लक्ष्मी सनराइज बैंकद्वारा असहाय बालबालिकालाई खाद्यान्न सहयोग

काठमाडौं : लक्ष्मी सनराइज बैंकले असहाय बालबालिकाहरुलाई खाद्यान्न सहयोग गरेको छ। 

देशभरीका विभिन्न संघ-संस्थाहरुसंगको सहकार्यमा ४ सय बढी बालबालिकाहरुलाई विविध सरसामाग्री तथा खाद्यान्न सहयोग गरेको बैंकले जनाएको छ। 

बैंकले नेपाल बाल संगठन अन्तर्गत पाँचखाल, दोलखा र भिमफेदीमा रहेका बालबालिकालाई दशैँमा नयाँ लुगा प्रदान गर्नुका साथै नक्साल स्थित बाल मन्दिरलाई खाद्यान्न सामाग्री हस्तान्तरण गरेको जनाएको छ। 

यस्तै, बैंकले कोशी प्रदेशको उर्लाबारीमा नमुना बाल गृह र इटहरीमा हेल्पलेस चिल्ड्रेन वेलफेयर मिसन, मधेस प्रदेशको गरुडामा बन्सिलाल जैसवाल अनाथालयलाई खाद्यान्न सहयोग गरेको जनाएको छ। 

बैंकले बागमती प्रदेशको हेटौंडामा मामाघर नेपाल, गण्डकीको प्रदेशको पोखरामा रहेको रेनबो चिल्ड्रेन होम नेपाल, लुम्बिनी प्रदेशको कोरीहवाको अविनास आश्रम, कर्णाली प्रदेशको वीरेन्द्रनगरमा रहेको न्यु लाइफ चिल्ड्रेन हेभन र सुदुरपश्चिमको धनगढीमा रहेको आमाको माया छात्रबासका बालबालिकाको खाद्यान्न सहयोग गरेको जनाएको छ। 

असोज २६, २०८० शुक्रबार १४:२२:४५ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।