भायानेटको ‘चाडमा चौका’ अफर, इलेक्ट्रोनिक उत्पादनको खरिदमा ५० प्रतिशतसम्म छुट पाइने

काठमाडौं : भायानेटले आकर्षक मूल्यमा इन्टरनेट र चाडपर्वलाई ध्यानमा राखी विशेष अफरहरूको घोषणा गरेको छ।

नेपालको पहिलो फाइबर इन्टरनेट, आइपीटीभी र मल्टि-गिग इन्टरनेट सेवा प्रदायक कम्पनी भायानेटले १२५ एमबीपिएसको इन्टरनेट सेवा वार्षिक आठ हजार सय रुपैयाँको सुपथ मूल्यमा सार्वजनिक गरेको घोषणा गरेको छ। 

साथै दशैं र तिहारको अवसरमा भायानेटले आफ्ना ग्राहकहरूलाई अल्टिमा वायरलेस इयरबड्स र हिमस्टारका होम एप्लायन्समा ५०% सम्मको छुट पनि उपलब्ध गराउने जानकारी दिएको छ। 

भायानेटको ‘चाडमा चौका’ चाडपर्व अभियानमा ग्राहकहरूले अब प्रतिवर्ष भ्याट बाहेकको आठ हजार चार सय रुपैयाँमा १२५ एमबीपिएस इन्टरनेटको मज्जा लिन सक्ने भायानेटले जनाएको छ।

यसका साथै भायानेटले यस अभियान अवधिभर २०० एमबीपीएस र ३०० एमबीपीएस प्याकेजका लागि पनि छुट ल्याएको जनाएको छ।

यस अफरलाई अझ गतिशील बनाउन भायानेटले आफ्ना ग्राहकहरूलाई विशेष छुट उपलब्ध गराउन लोकप्रिय ब्रान्ड अल्टिमा र हिमस्टारसँग साझेदारी समेत गरेको बताएको छ। 

वार्षिक इन्टरनेट योजनाहरू छनौट गर्ने भायानेट ग्राहकहरू चार लोकप्रिय इलेक्ट्रोनिक उत्पादनहरूको खरिदमा ५०% सम्म छुटका लागि योग्य हुनेछन्। 

छुट प्राप्त हुने चार वस्तुहरूमा अल्टिमा वायरलेस इयरबड्स, हिमस्टारको स्मार्ट टिभी, रेफ्रिजरेटरर वासिङग मेसिन रहनेछन्।  

यस सीमित अवधिको अफरमा उपलब्ध छुटहरू यसप्रकार छन् : 

– अल्टिमा वायरलेस इयरबड्सः भ्याटसहितको मूल्य रू. १२२५ सम्ममा उपलब्ध छ।

– हिमस्टार ४३ इन्च स्मार्ट टिभीः भ्याटसहितको मूल्य रु २७,५०० सम्ममा उपलब्ध छ।

– हिमस्टार ५५ इन्च स्मार्ट टिभीः भ्याटसहितको मूल्य रू. ५४,००० सम्ममा उपलब्ध छ।

– हिमस्टार रेफ्रिजरेटरः भ्याटसहितको मूल्य रू. १७,५१० सम्ममा उपलब्ध छ।

– हिमस्टार वाशिङ मेसिनः भ्याटसहितको मूल्य रू. ४१,२०० सम्ममा उपलब्ध छ।

यो अफर अगामी मङ्सिर ९ गतेसम्म मान्य रहने कम्पनीले जनाएको छ। 

असोज २६, २०८० शुक्रबार १२:२५:०३ मा प्रकाशित

उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।