विश्व कप क्रिकेट : आज बङ्लादेश र न्युजिल्यान्ड भिड्दै
काठमाडौं : भारतमा जारी आईसीसी एकदिवसीय विश्वकप क्रिकेटमा आज (शुक्रबार) बङ्लादेश र न्युजिल्यान्ड भिड्दैछन्।
एमए चिदम्बरम स्टेडियम, चेन्नइमा हुने यो खेल नेपाली समयअनुसार दिउँसो सवा २ बजे सुरु हुनेछ।
न्युजिल्यान्ड दुई खेलमा ४ अङ्ककासाथ तालिकाको दोस्रो स्थानमा छ।बङ्लादेश दुई खेलमा दुई अङ्ककासाथ छैटौँ स्थानमा छ।
न्युजिल्यान्डले पहिलो खेलमा इङ्ल्यान्डलाई ९ विकेट र दोस्रो खेलमा नेदरल्यान्ड्सलाई ९९ रनले हराएको थियो।
त्यस्तै, बङ्लादेशले पहिलो खेलमा अफगानिस्तानलाई ६ विकेटले हराएको थियो भने दोस्रो खेलमा इङ्ल्यान्डसँग एक सय ३७ रनले पराजित भएको थियो।
हिजो भएको खेलमा अस्ट्रेलियालाई हराउँदै दक्षिण अफ्रिका अङ्कतालिकाको शीर्षस्थानमा उक्लिएको छ।
न्युजिल्यान्डको सम्भावित प्लेइङ ११ :
डेभन कोनवे, विल यंग, केन विलियम्सन,डेरिल मिचेल, टम लाथम, ग्लेन फिलिप्स, रचिन रविन्द्र, मिचेल स्यान्टनर, म्याट हेनरी, लोकी फर्गुसन/इश सोधी, ट्रेन्ट बोल्ट।
बङ्लादेशको सम्भावित प्लेइङ ११ :
तान्जिद हसन/महमुदुल्लाह, लिट्टन दास, नजमुल हुसेन शान्तो, शकिब अल हसन, मेहदी हसन मिराज, मुशफिकुर रहिम, तौहिद हृदोय, महेदी हसन, तस्किन अहमद, शोरिफुल इस्लाम, मुस्ताफिजुर रहमान।
असोज २६, २०८० शुक्रबार ११:४४:११ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
