घरेलु मैदानमा भेनेजुएलासँग बराबरीमा रोकियो ब्राजिल
एजेन्सी : ब्राजिल विश्वकप छनोट खेलमा भेनेजुएलासँग बराबरीमा रोकिएको छ। खेलको अन्तिम पाँच मिनेट सम्हालिन नसक्दा दक्षिण अमेरिकी छनोट खेलमा ब्राजिलले भेनेजुएलासँग १-१ को बराबरीको खेल खेल्यो।
शुक्रबार बिहान भएको खेलमा घरेलु मैदानमा ५० औं मिनेटमा गाब्रिएलले गोल गर्दै ब्राजिललाई १–० को अग्रता दिलाएका थिए। तर खेलको ८५ औं मिनेटमा बेलोले गोल गर्दा ब्राजिलले लगातार तेस्रो जित हात पार्ने मौका गुमायो।
यो बराबरीपछि ब्राजिल ३ खेलबाट ७ अंकसहित छनोटमा शीर्षस्थानको अर्जेन्टिनाभन्दा २ अंकपछि अंकतालिकाको दोस्रो स्थानमा छ।
असोज २६, २०८० शुक्रबार ०९:१४:३६ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
