इरानविरुद्ध देव खनालले हाने शतक
काठमाडौं : देव खनालले यू-१९ एसीसी प्रिमियर कप क्रिकेट इरानविरुद्ध शतक प्रहार गरेका छन्। मलेसियामा जारी प्रतियोगिताको पहिलो खेलमा नेपालका कप्तान देवले ५९ बलमा शतक प्रहार गरेका हुन्।
उनी ६० बलमा १२ चौका र ४ छक्कासहित ठीक १०० रनमा आउट भए।
खेलमा टस हारेर पहिले ब्याटिङ गरेको नेपालले खराब सुरुवात गर्दा ओपनर अर्जुन कुमाल डक आउट भएका थिए। त्यसैगरी आकाश त्रिपाठी ३ रनमै आउट हुँदा नेपालले १० रनमै २ विकेट गुमाएको थियो।
यसपछि दीपक बोहरासँग मिलेर देवले तस्रो विकेटका लागि १ सय ६६ रनको साझेदारी गरेका थिए। दीपकले ५९ बलमा ५ चौका र २ छक्कासहित ६५ रनको योगदान दिए।
२३ ओभरको खेल सकिंदासम्म नेपालले ४ विकेटको नोक्सानीमा २०५ रन बनाएको छ।
असोज २५, २०८० बिहीबार ०९:११:२२ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
