यू-१९ प्रिमियर कप : इरानविरुद्ध टस हारेर ब्याटिङ गर्दै नेपाल
काठमाडौं : नेपालले यू-१९ एसीसी प्रिमियर कपको आफ्नो पहिलो खेलमा आज इरानविरुद्ध भिडन्त गर्दैछ। मलेसियामा सुरु भएको खेलमा टस हारेर नेपालले पहिले ब्याटिङ गर्ने भएको हो।
१६ टिम सहभागी यस प्रतियोगितामा नेपालले समूह चरणमा बहराइन, साउदी अरेबिया र इरानसँग भिडन्त गर्नेछ।
चार समूहबाट शीर्ष एक/एक टिम सेमिफाइनलमा प्रवेश गर्ने छन् भने प्रतियोगिताका शीर्ष ३ टोलीले यसै वर्ष हुने यू-१९ एसिया कप खेल्न पाउनेछन्।
भारत, पाकिस्तान, बंगलादेश, अफगानिस्तान र श्रीलंका भने एसिया कपमा सोझै छनोट भइसकेका छन्।
यू-१९ विश्वकपका लागि पनि छनोट भइसकेको नेपाललाई यो प्रतियोगिताको उपाधिको प्रबल दाबेदारको रुपमा हेरिएको छ।
असोज २५, २०८० बिहीबार ०७:१८:२४ मा प्रकाशित
उकेरामा प्रकाशित सामाग्रीबारे प्रतिक्रिया, सल्लाह, सुझाव र कुनै सामाग्री भए [email protected] मा पठाउनु होला।
